Arheolog asýlary

Mazmundy is-shara «Berel» ǵy­lymı-zertteý qorynyń ashylýy­men bastaldy. Onda Zeınolla Sa­mashev jetekshilik etken arheo­lo­gııalyq ekspedısııanyń ár jyldary «Berel» saq qorǵandarynan tap­­qan biregeı artefaktileri jı­naq­talǵan. Qorǵa engen 2 myńnan astam arheologııalyq zat tolyqtaı zerttelip, qalpyna keltirilgen. Ási­rese saq qorǵandarynan tabylǵan altyn buıymdar men áshekeıler, at ábzelderi men qarý-jaraq túrleri jáne aǵash qımalary men dińgekteriniń ból­shekterine jurtshylyq tańyrqap qarady.

Odan keıin is-shara «Dala qor­ǵandarynyń qupııalary» atty kór­­­mege ulasty. Buǵan Mádenıet jáne sport vıse-mınıstri Nurǵısa Dáýe­shov qa­tysyp, aıtýly ǵalymnyń arheologııa men tarıh ǵylymyna sińir­gen eńbegin eńbegin erekshe atap ótti. Ǵalymǵa Mádenıet jáne sport mınıstri Dáýren Abaevtyń qut­tyqtaý haty men «Mádenıet sala­synyń úzdigi» tósbelgisin tabys etti. Sonymen birge Shyǵys Qazaqstan ob­lysy mádenıet basqarmasynyń basshysy Nurbolat Ahmetjanov ta mereıtoı ıesine izgi lebizin bildirdi. Atalǵan kórmege Shyǵys Qazaqstan oblystyq tarıhı-ólketaný mýzeıiniń qoryndaǵy jádigerler usynyldy.

Sondaı-aq mádenı is-shara barysynda arheologııanyń ózekti máselelerine, eskertkishterdi zertteý men qorǵaýǵa baılanysty dóń­gelek ústel májilisi ótip, onda tarıh­shylar, arheologter jáne qoǵam qaıratkerleri otandyq arheologııa salasyndaǵy mańyzdy máseleler men ózekti taqyryptardy ortaǵa salyp, oı bólisti.

Kesh sońynda Zeınolla Samashev óziniń barlyq sanaly ómirin ar­naǵan arheologııa ǵylymy týraly para­satty oı qozǵap, osy is-sharany uıym­­das­tyrýǵa atsalysqan azamattar men jı­nalǵan qaýymǵa alǵysyn bildirdi.