ASTANA. 2 maýsym. AQSh-tyń eki úlken konsert zalynda qazaq mýzykasy saltanat qurady. Bul týraly Qazaqstannyń AQSh-taǵy elshiligine silteme jasaǵan egemen.kz tilshisi habarlady.
Atalmysh elshilik ókili Nurǵalı Arystanovtyń aıtýynsha, 30 maýsymda Nıý-Iorkte, 3 shildede Vashıngtonda (Kolýmbııa okrýgi) Qazaqstannyń eń sheber mýzykanttary amerıkalyqtarǵa qazaqtyń kóne aspaptarynyń kómegimen ǵasyrlar qoınaýynan jetken dala sazyn tanystyratyn bolady. Tyńdaýshylar kóne Jibek Jolynyń taramdarynan talyp jetken, qazaq mýzyka óneriniń qudiretin tanyp, Qurmanǵazy atyndaǵy memlekettik akademııalyq halyq aspaptar orkestri men Baıqadamov atyndaǵy hor kapella oryndaǵan shyǵarmalarǵa qol soǵatyn bolady. Konsertterde qazaqtyń klassıkalyq shyǵarmalarymen qatar, álemdik klassıkanyń ólmes týyndylary kórermenge usynylatyn bolady.
Anar Tóleýhanqyzy.
Derekkóz: egemen.kz.
Foto: trend.az.