Elimizde mektep muǵalimderi men oqýshylarǵa arnalǵan «Qyzyqty ǵylym» jobasy Almaty qalasynda jalǵasýda. Atalǵan jobanyń ońtústik astanadaǵy orta mektepterdiń 7-8 synyp oqýshylaryna arnalǵan bóligi 28-29 qarashaǵa josparlanǵan, dep jazady Egemen.kz.
Arnaýly semınar barysynda 134 jyldyq tarıhy bar, geografııa, jaratylystaný ǵylymdarynan bastap, ǵaryshty ıgerýge deıingi salalarda kópjyldyq halyqaralyq ǵylymı-zertteýler men foto-beıne derekterdiń baı qoryn qalyptastyrǵan National Geographic jýrnalynyń resýrstaryn tıimdi qoldaný ádisteri tanystyrylady.
Eske sala keteıik, bul joba – Memleket basshysy Qasym-Jomart Toqaevtyń tapsyrmasymen júzege asyrylyp jatqan «Oqýǵa qushtar mektep» bastamasyn qoldaý aıasynda «Shevron» men «KAZMEDIA HOLDING» kompanııalary birlese atqaryp jatqan jumystyń bir parasy.