Álemniń 223-raketkasy, qazaqstandyq Mıhaıl Kýkýshkın Italııadaǵy Andrııa chellendjer týrnıriniń fınalynda jeńilip qaldy, dep habarlaıdy Egemen.kz.
Keıingi básekede qazaqstandyq tennısshi álemniń 197-raketkasy, shveısarııalyq Leandro Reıdlmen kortqa shyqty.
Tartysty órbigen birinshi partııada 20 jastaǵy shveısarııalyq sportshy taı-breıkte ábjildik tanytty. Esep – 7:6 (7:4). Ol ekinshi sette de 2:0 esebimen alǵa ozyp, sol basymdyǵyn saqtap qaldy. Esep – 6:3.
Eki saǵatqa jýyq ýaqytqa sozylǵan básekede Kýkýshkın 6 eıs jasap, 6 breık-poınttyń ekeýin paıdalanǵan.