«QazTransGaz» holdıngine («QazMunaıGaz» UK» AQ enshiles kásiporny) qarasty «Intergaz Ortalyq Azııa» kompanııasy Balalardy qorǵaýdyń halyqaralyq kúnine oraı qaıyrymdylyq aksııasyn ótkizip, ózine baǵynyshty bólimsheleri ornalasqan óńirlerde, atap aıtqanda, Aqmola, Atyraý, Mańǵystaý, Batys Qazaqstan, Aqtóbe, Ońtústik Qazaqstan, Qyzylorda, Jambyl, Almaty oblystarynda mamandandyrylǵan ınternat-mektepterine, aqyl-oıy kem, múgedek, jetim jáne ata-ana qamqorlyǵynsyz qalǵan balalarǵa arnalǵan úılerge, sondaı-aq, arnaıy medısınalyq balalar mekemelerine 12 mıllıon teńge kóleminde qarjylyq kómek kórsetti.
Kompanııanyń bas dırektory Serik Estaı buǵan baılanysty bylaı dep atap kórsetti: – О́mir tek kompanııanyń negizgi óndiristik mindetterin sheshýmen ǵana shektelmeıdi. Ásirese, múmkindigi shekteýli ári jetim jetkinshekterge kómek qashanda qajet jáne bizdiń boryshymyz – olarǵa únemi kómektesip otyrý, óıtkeni, ómirimizdiń bolashaǵy balalarymyzǵa baılanysty.
«Intergaz Ortalyq Azııa» AQ korporatıvtik qaıyrymdylyqtyń izgilik qaǵıdattaryn buljytpaı ustanýdy dástúrge aınaldyrǵan. Qaıyrymdylyq pen meıirimdilik qyzmetiniń negizgi baǵyty – balalarǵa arnalǵan aksııalar bolyp otyr.
Kompanııa qoǵam aldyndaǵy óziniń joǵary áleýmettik jaýapkershiligin sezine otyryp, óndiristik qyzmetin ǵana emes, tutastaı alǵanda, búkil óńirlerdiń áleýmettik ómirine de qatysýdy abyroı dep sanaıdy.
Osyǵan oraı, kompanııa bilim, ǵylym, densaýlyq saqtaý jáne turǵyn úı-kommýnaldyq sharýashylyq salasyndaǵy áleýmettik ınfraqurylymǵa qoldaý kórsetedi, sondaı-aq, sport, shyǵarmashylyq, elimizdiń mádenı-tarıhı jáne rýhanı murasyn damytý men saqtaýdy da qoldaıdy.
Marat AQQUL,
«Egemen Qazaqstan».