Búgin saǵat 19:00-den bastap Abaı jáne Shyǵys Qazaqstan oblystarynda aýa temperatýrasynyń 30 gradýstan tómendeýi boljanady. Osyǵan baılanysty respýblıkalyq mańyzy bar joldarda kólik qozǵalysy ýaqytsha shekteledi, dep habarlaıdy Egemen.kz.
«QazAvtoJol» UK» AQ naqtylaǵandaı, jol qozǵalysyna qatysýshylardyń qaýipsizdigin qamtamasyz etý maqsatynda saǵat 19:00-den bastap Abaı jáne Shyǵys Qazaqstan oblystarynyń barlyq respýblıkalyq avtojoldarynda dızeldi jáne jolaýshylar reıstik avtobýstarynyń qozǵalysy ýaqytsha shekteledi.
«Respýblıkalyq trassalardyń paıdalanýshylarynan marshrýtty aldyn ala qurýdy, alys jaqqa jol júrmeýge jáne aýa raıynyń ózgerýin muqııat qadaǵalaýdy suraımyz», delingen kompanııa habarlamasynda.