Almatyda 1-3 jeltoqsan aralyǵynda «Shertpe kúı» respýblıkalyq dástúrli mýzyka festıvali ótedi, dep jazady Egemen.kz.
Baıqaý eki kezeńnen turady. Onda qatysýshylar dástúrli shertpe kúı mektebi ókilderiniń 5 shyǵarmasyn jáne qatysýshynyń tańdaýy boıynsha qazirgi zamanǵy kompozıtordyń bir kúıin oryndaıdy.
«Mınıstrlik aýqymdy jobany qolǵa aldy. Negizgi maqsatymyz – «shertpe» stılin keńinen nasıhattaý jáne keleshegi zor dombyrashylarǵa qoldaý kórsetý. Qyzý daıyndyq jumystary júrgizilgenin erekshe atap ótkim keledi. 16 qyrkúıekten 23 qarashaǵa deıingi aralyqta 45 ótinim kelip tústi. Olar negizinen – 16 men 35 jas aralyǵyndaǵy jastar. Endi festıval qorytyndysy boıynsha birinshi oryn ıegeri 750 myń teńge, ekinshi oryn ıegeri 500 myń teńge, al úshinshi oryn ıegeri 300 myń teńge alady. Sondaı-aq arnaıy dıplomdar men syılyqtar bar. Al bas júlde ıegeri 1 mln teńge jeńip alady», dedi QR MSM Mádenıet komıteti tóraǵasynyń orynbasary Danııar Álıev.