Aýyl sharýashylyǵy vıse-mınıstri Aıdarbek Saparov pen «Al-Reef Al-Tholathy» atqarýshy dırektory Muhammed Nasser Almýkeırısh Qazaqstan men Saýd Arabııasyndaǵy azyq-túlik ónimderin óndiretin iri kompanııalardyń birimen yntymaqtastyqtyń keleshegin talqylady. Atap aıtqanda, Arab kásipkerleriniń Qazaqstanda qurylatyn «Qoı sharýashylyǵyn damytý qory» jumysyna qatysý múmkindigi qarastyryldy.
Joba qazaqstandyq qoı men qozyny arab memleketterine, birinshi kezekte Parsy shyǵanaǵy elderine jetkizýge yqpal etetin bolady. О́ndirilgen qarajatty odan ári qoı ósirýmen aınalysatyn otandyq fermerlerdi qarjylandyrý úshin paıdalaný josparlanyp otyr. Qazirgi ýaqytta jobaǵa ınvestorlardy tartý boıynsha jumys bastaldy. Saýd Arabııasynyń qarqyndy damyp kele jatqan kompanııalarynyń biri sanalatyn jáne óz naryǵyn joǵary sapaly salqyndatylǵan etpen qamtamasyz etýmen aınalysatyn «Al-Reef Al-Tholathy» kompanııasy áleýetti seriktes bola alady.
2022 jyldyń 9 aıynyń qorytyndysy boıynsha qazaqstandyq mal ósirýshiler 29,7 myń tonna et, onyń ishinde 6,7 myń tonna qoı etin eksporttady. Otandyq qoıdyń negizgi tutynýshylary – О́zbekstan, BAÁ, Kýveıt, Oman jáne Bahreın memleketteri. Aýyl sharýashylyǵy mınıstrligi qazaqstandyq qoı etin óndirýshiler úshin ótkizý naryǵyn keńeıtýge jáne óndiristi ulǵaıtýǵa odan ári yqpal etetin bolady.
Arab delegasııasy Qazaqstanǵa sapary aıasynda jergilikti mal sharýashylyǵy kásiporyndarynyń jumysymen tanysý úshin elimizdiń ońtústik óńirlerine bardy.
Jalpy, elimizde bıyl 10 aıda fermerler 948,5 myń tonna et óndirdi, onyń kólemi bir jyl burynǵy uqsas kezeńmen salystyrǵanda orta eseppen 0,5%-ǵa ósti. Eń úlken ósimdi jylqy etiniń óndirisi kórsetti (4,8%) – 114,1 myń tonna. Qus eti 2,9%-ǵa ósip, 239,6 myń tonnany qurady. Jyl basynan beri 400,1 myń tonna sıyr eti, 113,7 myń tonna qoı eti óndirildi.
Et eksporty 2022 jyldyń qyrkúıegine qaraı 1 mln dollarǵa 29,7 myń tonna kólemine jetti. Eksporttyń basym bóligi sıyr etine tıesili – 13,5 myń tonna, sondaı-aq shetelge 6,7 myń tonna qoı eti men 9,5 myń tonna qus eti satyldy. Vedomstvonyń habarlaýynsha, alys jáne jaqyn shetelderden 110 myń tonna et ımporttalǵan. Importtyń basym bóligi qus etine tıesili, elge shamamen onyń 97,5 myń tonnasy ákelinipti.