Ekibastuzda Premer-Mınıstrdiń orynbasary – Saýda jáne ıntegrasııa mınıstri Serik Jumanǵarın, Tótenshe jaǵdaılar mınıstri Iýrıı Ilın, Pavlodar oblysynyń ákimi Ábilqaıyr Sqaqov, Energetıka vıse-mınıstri Jandos Nurmaǵanbetov, «OAEK» AQ aksıonerleri, «Ekibastuzjylýenergo» JShS quryltaıshylarynyń qatysýymen jedel shtabtyń otyrysy ótti, dep habarlaıdy Egemen.kz Úkimettiń baspasóz qyzmetine silteme jasap.
2022 jylǵy 29 qarashadaǵy 23.55-tegi jaǵdaı boıynsha Ekibastuzda 17 kóp páterli turǵyn úı, 3 áleýmettik nysan jáne 1 ákimshilik ǵımarat jylý júıesine qosylmaǵan kúıinde qalyp otyr. Olarǵa sońǵy ýchaskedegi apat joıylǵannan keıin jylý qaıta beriledi. Qalǵan úıler men nysandarǵa jylý tómen temperatýramen berilgen. Tasymaldaǵyshtyń jylý berý temperatýrasy – 820S (norma 870S), keri qaıtarý – 540S (norma 560S), páterlerde – 18-200S, syrtqy aýa temperatýrasy – 230S.
Jetkizý jelileri qatyp qalǵan 59 kóp páterli turǵyn úıdiń 22-sinde qalpyna keltirý jumystary aıaqtaldy, taǵy 37 nysan qalyp otyr. 34 kezekshi brıgada jumys istep jatyr.
Qalada azamattardy qabyldaý jáne jylytý úshin 14 arnaıy pýnkt jasaqtalǵan.