Elorda tórinde Prezıdent Qasym-Jomart Kemeluly Toqaevty ulyqtaý saltanatty rásimi ótti. Aıtýly is-sharada Memleket basshysy ant berip, prezıdenttik qyzmetine resmı kiristi. Biz de ulyqtaý rásimine qatysý qurmetine ıe bolyp, qasıetti Syr elinen Astanada ótken alqaly jıynǵa zor yqylaspen keldik.
Halqymyzdyń arǵy-bergi tarıhynda el-jurttyń birlik týynyń astyna aq nıetpen jınalyp, el tizginin ustaǵan tulǵanyń qurmetine ulyqtaý rásimin ótkizýdiń máni de, mańyzy da joǵary bolǵanyn bilemiz. Al osynaý jahandaný zamanynda egemen eldiń eńseliligin kórsetip, derbestigin pash etip, álem kóz tikken bas qalada saltanatty túrde ulyqtaý rásiminiń joǵary deńgeıde ótkizilýin – halqymyzdyń san ǵasyrdan beri qalyptasqan saltqa berik bolyp, bekem birlik pen kórkem tirlikti ushtastyrýy deýge bolady.
Keshegi saılaýda Qasym-Jomart Kemeluly Toqaevtyń el jurtshylyǵynyń úlken qoldaýyna ıe bolyp, aıqyn basymdyqpen Qazaqstan Prezıdenti bolyp saılanýy – egemendikti baıandy etý jolyndaǵy eń bıik belestiń biri. El Qasym-Jomart Kemelulyna eldiń qamyn oılaıdy, namysyn jibermeıdi dep bir aýyzdan senim artty. Bul – sanaly tańdaý. Sebebi Qasym-Jomart Toqaev júrgizip otyrǵan saıasat nátıjeli jáne jemisti bolyp otyrǵany belgili. Sol senim júgi eldi abyroıdyń bıigine shyǵaryp, ósý men órkendeýge, jańarý men jańǵyrýǵa negiz bolady dep senemiz.
Ulyqtaý rásimine qatysý qurmetine ıe bolý – men úshin zor qýanysh ári umytylmas tarıhı sát. Biz Prezıdentti qoldaımyz, onyń saıasatyn, bastamalaryn júzege asyrý jolynda aıanbaı eńbek etemiz. El tizginin qolǵa alǵan Memleket basshysyna shyn júrekten abyroı-amandyq tileımin! Ádiletti Qazaqstandy birge quryp, birge damytaıyq!
Aqtóre IBRAGIMULY,
Qyzylorda oblysy Syrdarııa aýdandyq máslıhatynyń depýtaty