Qazaqstan Respýblıkasy Parlamenti Senatynyń Tóraǵasy Máýlen Áshimbaev Vatıkannyń Qazaqstandaǵy Apostoldyq nýnsıi arhıepıskop Frensıs Assızı Chýllıkatpen kezdesti, dep habarlaıdy Egemen.kz.
Kezdesý barysynda taraptar bıylǵy qyrkúıekte Astanada ótken Álemdik jáne dástúrli dinder kóshbasshylarynyń VII seziniń qorytyndylaryn, sondaı-aq Rım Papasy Fransısktiń Qazaqstanǵa apostoldyq saparynyń nátıjelerin talqylady. Máýlen Áshimbaev pontıfıktiń Sezge qatysýynyń mańyzy joǵary ekenin aıtty. Sonymen qatar ol Qazaqstan aldaǵy ýaqytta da jahandyq dinaralyq jáne órkenıetaralyq dıalogty ilgeriletý jolynda belsendilik tanytýǵa nıetti ekenin atap ótti.
Odan bólek, suhbattasýshylar Qazaqstan men Vatıkan arasyndaǵy yntymaqtastyqty odan ári damytý perspektıvalaryn talqylady. Sondaı-aq olar ekijaqty jáne kópjaqty baǵytta birlesip jumys isteýge daıyn ekenderin jetkizdi.