Búgin Qazaqstan Respýblıkasy Prezıdenti Ákimshiligi Basshysynyń birinshi orynbasary Tımýr Súleımenovtiń tóraǵalyǵymen qysqy jylytý maýsymyna daıyndyq jónindegi ortalyq jáne jergilikti atqarýshy organdardyń qyzmetin tekserý jónindegi komıssııanyń birinshi otyrysy ótti, dep habarlaıdy Egemen.kz Prezıdenttiń baspasóz qyzmetine silteme jasap.
Otyrys barysynda úzdiksiz jylý berýdi qamtamasyz etý jónindegi jedel jáne júıeli sharalar qarastyryldy. Jıyn qorytyndysy boıynsha mynadaı tapsyrmalar berildi:
Úsh kún ishinde barlyq energııa nysanyn keshendi, sonyń tehnıkalyq jaǵdaıyna qaraı qaýiptilik turǵydan toptarǵa bólinsin. Neǵurlym osal jylý elektr ortalyqtary men jylý jelileri boıynsha menshik ıeleri, ákimdikter men mınıstrlikter arasynda birinshi kezekte atqaratyn is-áreket jospary daıyndalady;
О́ńirlerde jylýmen jáne elektr qýatymen qamtamasyz etetin nysandardyń is júzinde daıyndyǵyn tekserý úshin jedel toptar qurylsyn;
Qarjy mınıstri men Qarjylyq monıtorıng agenttigi árbir zańdy tulǵanyń tarıftik smetasy men ınvestısııalyq baǵdarlamasyna taldaý júrgizip, kapıtaldy syrtqa shyǵarý yqtımaldyǵyn teksersin;
Ýákiletti memlekettik organdardyń baqylaý-qadaǵalaý fýnksııalaryn kúsheıtip, jylýmen jáne elektrmen qamtamasyz etetin nysandardyń menshik ıeleriniń jaýapkershiligin arttyrý úshin salalyq zańdar men zańǵa táýeldi aktilerge engiziletin ózgerister ázirlensin.