Densaýlyq saqtaý mınıstri Ajar Ǵınııat kórshiles Qytaıda koronavırýstyń taralýyna baılanysty Qazaqstanda kovıdtik shekteýler engizile me degen suraqqa jaýap berdi, dep habarlaıdy Egemen.kz.
«Kovıdtik shekteýler boıynsha búgingi jaǵdaı Qytaı men Qazaqstanda aıtarlyqtaı erekshelenedi. Pandemııa bastalǵannan beri Qytaıda óte qatań shekteýler engizildi. Osylaısha, olar ınfeksııany lokalızasııalap, shektedi», dep túsindirdi Ajar Ǵınııat Parlament Senatyndaǵy úkimettik saǵattan keıin jýrnalısterdiń suraqtaryna jaýap bere otyryp.
«Qazaqstanda 10 mıllıonnan astam halyq vaksınasııadan ótkenin, bes mıllıonnan astam adam ujymdyq ımmýnıtetke ıe bolyp, revaksınasııalanǵanyn eskersek, eshqandaı shekteý sharalary josparlanbaıdy», dedi mınıstr.