Jıyrma jyldan beri qazaqtyń dástúrli án ónerine óziniń úlesin qosyp kele jatqan Jazgúl Danylbaeva jaqynda Astana qalasy ákimdiginiń memlekettik fılarmonııasynyń qoldaýymen Kongress-holda «Arman-aı!» atty jeke konsertin ótkizdi.
Keshtiń kórkin kóbinde onyń oryndaýyndaǵy halyq ánderi kirgizdi. Ásirese, «Ýgáı-áı» jurtshylyqty bir serpiltip tastady. Sol sekildi Altynbek Qorazbaevtyń «Aýylymy», Sadyqojanyń «Sary bıdaıy», Qapezdiń «Úsh Merkisi», ózge de rýhty dúnıeler erekshe áserge bóledi. Ánshiniń ustazy Erjan Qosbarmaqov shákirtiniń talantyna tánti ekenin jan-jaqty aıta kelip, ózi de «Aǵaıyn» atty tolǵaýdy aıtyp, qoldaý kórsetti. Qashan da bir-birimen qanattas júretin tanymal ánshiler N. Álqojaeva, A.Elshibaeva, M.Arapbaeva, B.Balajanova, K.Tólenbaeva, Salyqovtar otbasy Jazgúldiń jan jadyratqan ánderine óz úlesterin qosyp, úkilep otyrdy.
Qasymjomart DÁÝLET.
Astana.