Qyzylorda oblysynyń sý joldarynda úsh kúnniń ishinde eki bala sýǵa ketip qaldy. Bul týraly oblystyq tótenshe jaǵdaılar departamentiniń baspasóz qyzmeti habarlady.
Onda mamyr aıynyń aıaǵynda 5 jáne 14 jastaǵy eki bala sýǵa ketkeni aıtylady. Onyń biri Qarmaqshy aýdanynda oryn alsa, ekinshisi Jańaqorǵanda boldy. Qarmaqshy aýdanynyń Aqaı eldi mekeninde turatyn N.Qojaǵalıev 24 mamyrda sýǵa shomylamyn dep, qaıtadan jaǵaǵa shyǵa almaı qaldy. Bul kezde saǵat keshki 21-di kórsetip tur eken. Jasóspirimniń denesin tótenshe jaǵdaılar salasynyń 4 mamany sý astynan izdeýge jumylyp, úsh kún ótkennen keıin jaǵaǵa alyp shyqty.
Dál osyǵan uqsas jaǵdaı 27 mamyrda Jańaqorǵanda oryn aldy. Sol kúni saǵat kúndizgi 11 shamasynda 2009 jyly týǵan B.Turǵanbaı sýǵa ketti. Mamandar onyń denesin 6 saǵat ótkende taýyp aldy.
Murat AITQOJA.