Mamandar er adamnyń denesinen zorlyq-zombylyq belgilerin tappaǵan, dep habarlaıdy Egemen.kz.
Ekibastuzda páterlerdiń birinde er adamnyń úsip qaıtys bolǵany týraly WhatsApp jelisindegi habarlamanyń jalǵan ekeni anyqtaldy. Qala ákimdiginiń baspasóz qyzmeti, shynymen de, úılerdiń birinde zeınetkerdiń qaıtys bolǵanyn, biraq oǵan páterdiń sýyq bolýy sebep bolmaǵanyn túsindirdi.Tártip saqshylarynyń málimetinshe, zeınetker kózi tirisinde qan qysymynan zardap shekken.Ravlodarnews.kz saıty Ekibastuz qalasyndaǵy páterlerdiń birinde er adamnyń esinen tanyp qalǵany týraly habarlama jedel járdem stansııasyna saǵat 17:32-de túskenin jazǵan.
- Medısınalyq qyzmetkerler 8 mınýtta jetti. Oqıǵa ornynda dárigerler 70 jastaǵy er adamnyń kóz jumǵanyn anyqtady. Eshqandaı úsik belgileri baıqalmady, - dep jazylǵan habarlamada.Saǵat 17:50-de páterge polısııa shaqyrylǵan. Er adam kóz jumǵan kezde onyń jubaıy qasynda bolǵan. Polıseıler er adamnyń denesinde zorlyq-zombylyq belgileri joq ekenin atap ótti.