Azııa tennıs federasııasy 14 jáne 16 jasqa deıingi sportshylar arasynda jańartylǵan reıtıngti jarııalady, dep habarlaıdy Egemen.kz QTF-ǵa silteme jasap.
14 jasqa deıingiler arasynda astanalyq Albına Kákenova jyldy birinshi orynmen aıaqtady. Úzdik ondyqqa aqtóbelik Eva Korysheva (4-oryn), astanalyq Arıana Gogýlına (8-saty) engen.
Al 16 jasqa deıingiler arasynda almatylyq Safına Safıýllına men taǵy bir elordalyq Temirlan Kárim kósh bastap keledi. Qyzdardan almatylyqtar Danaııa Amanǵajıeva altynshy, Polına Slepsova jetinshi, Aııa Nupbaı onynshy satyǵa jaıǵasqan. Bozbalalardan astanalyq Vıacheslav Kýfeld úshinshi, almatylyq Tıhon Sorokın segizinshi orynda tur.