6 jeltoqsanda saǵat 11:00-de Astana qalasynyń Dostyq úıinde Qazaqstan halqy Assambleıasy Tóraǵasynyń orynbasary, Hatshylyq meńgerýshisi M.Ázilhanovtyń qatysýymen QHA respýblıkalyq Medıasııa keńesiniń otyrysy ótedi, dep habarlaıdy Egemen.kz.
Jıynǵa QHA respýblıkalyq Medıasııa keńesiniń músheleri, memlekettik organdardyń, azamattyq qoǵam ınstıtýttarynyń ókilderi, kásibı jáne qoǵamdyq medıatorlar, sarapshylar, BAQ ókilderi qatysady dep kútiledi.
Onyń qarsańynda etnomedıatorlar men kásibı kelissóz júrgizýshilerdi daıarlaý boıynsha oqý josparyn ázirleýshiler men engizýshiler – trenerlerdiń pikirtalas kezdesýleri ótip, aımaqtyq oqytý semınarlary barysynda anyqtalǵan ózekti máseleler talqylandy.
Sondaı-aq otyrys barysynda QHA keńesiniń 2021 jyly qazan aıynda ótken keńeıtilgen otyrysynyń hattamasyn jáne QHA HHHI sessııasynyń sheshimderin iske asyrý qorytyndylary shyǵarylyp, 2023 jylǵa arnalǵan etnomedıasııany odan ári damytý jospary bekitiledi.