Seısenbi kúni Argentınanyń federaldy soty vıse-prezıdent jáne burynǵy memleket basshysy Krıstına Kırshnerdi alty jylǵa bas bostandyǵynan aıyrdy, dep habarlaıdy Egemen.kz.
Kırshner eldiń ońtústigindegi Santa-Krýs provınsııasynda jalǵan qoǵamdyq jumystarǵa kelisim-shart jasaǵany úshin kináli dep tanylǵan.
Úkimge sáıkes, eks-prezıdentke memlekettik qyzmette jumys isteýge tyıym salynady.
Buǵan deıin prokýrorlar saıasatkerdi 12 jylǵa bas bostandyǵynan aıyrýdy suraǵan bolatyn.
Aıta keteıik, Kırshnerge 2007-2015 jyldar aralyǵyndaǵy Santa-Krýs provınsııasyndaǵy ınfraqurylymdyq jobalarǵa bólingen bıýdjet qarajatyn zańsyz paıdalandy degen aıyp taǵyldy.