Qazaqstandyq Janel Rústemova men Arýjan Saǵyndyqova Mysyrdyń Sharm-el-Sheıh qalasynda ótip jatqan ITF týrnıriniń alǵashqy aınalymynda ózara kezdesti, dep habarlaıdy Egemen.kz.
Qazaqstan tennıs federasııasynyń málimetinshe, 18 jastaǵy Janel negizgi dodaǵa irikteý saıystarynan keıin joldama aldy. Júlde qory 15 myń AQSh dollaryna baǵalanǵan jarysta Rústemova 17 jastaǵy komandalas qurbysy Saǵyndyqovany 6:3, 6:2 esebimen utty.
Janel shırek fınalǵa shyǵý úshin týrnırdiń 7-raketkasy, fransııalyq Naıııa Berekoecheamen talasady.
Osy jarysta Rústemova men Saǵyndyqova juptyq synda shırek fınalǵa shyqty. Olar reseılikter Elızaveta Mashna – Elızaveta Morozovamen jartylaı fınal joldamasyn sarapqa salady.