Elordada jasóspirim polısııaǵa mektepte «mına qoıylǵany» týraly jalǵan aqparat bergen, dep habarlaıdy Egemen.kz Polisia.kz saıtyna silteme jasap.
5 jeltoqsanda áleýmettik jeliler monıtorıngi barysynda Tóle bı kóshesindegi mektepterdiń birinde terrorıstik akti bolatyny týraly habarlama anyqtaldy. Oqıǵa ornyna polısııa qyzmetkerleri keldi. Mektep ǵımaratyn tekserý barysynda jarylǵysh qurylǵy tabylmady, is-shara evakýasııasyz ótkizildi, qaýip joıyldy.
Jedel-izdestirý is-sharalaryn júrgizý kezinde Astana qalasy PD Ekstremızmge qarsy is-qımyl basqarmasy qyzmetkerleri jalǵan aqparat taratqan adamdy anyqtady. Ol osy mekteptiń 13 jastaǵy oqýshysy bolyp shyqty. Jasóspirim osylaısha sabaq bolmasyn dep ázildegenin túsindirdi. Iývenaldy polısııanyń ınspektorlary men balanyń ata-anasynyń kózinshe jasóspirimmen budan bylaı mundaı faktilerge jol bermeý týraly profılaktıkalyq áńgime júrgizildi. Zańdy ókilderine qatysty ákimshilik sıpattaǵy sharalar qabyldanady.