Premer-Mınıstr Álıhan Smaıylovtyń tóraǵalyǵymen «KAZAKH INVEST» UK» AQ Dırektorlar keńesiniń kezekti otyrysy ótti, dep habarlaıdy Egemen.kz.
Otyrysta 2023-2027 jyldarǵa arnalǵan is-sharalar jospary, Korporatıvtik basqarý kodeksiniń jobasy, sondaı-aq Dırektorlar keńesine esep beretin qyzmetterdiń keıbir máseleleri qaraldy.
Osy jyly «KAZAKH INVEST» qoldaýymen jalpy somasy $4,1 mlrd-qa sheteldikterdiń qatysýymen 45 joba paıdalanýǵa beriledi dep kútilýde.
Investorlardy servıstik qoldaý sheńberinde Ulttyq kompanııa 1952 ótinish óńdep, ınvestorlardyń qyzmetine qatysty vızalyq máseleler, ınvestısııalyq preferensııalar jáne zańnama boıynsha konsýltasııalar bergen.
Osy jyldyń 11 aıynyń qorytyndysy boıynsha sheteldik kompanııalar úshin Qazaqstan óńirlerine 212 is-sapar uıymdastyryldy, olardyń sheńberinde salalyq mınıstrliktermen, ákimdiktermen, kvazımemlekettik sektormen, qarjylyq damý ınstıtýttarymen, sondaı-aq jergilikti kásipkerlermen kezdesýler ótkizildi.
Sonymen qatar 13 iri ınvestısııalyq is-shara uıymdastyrylyp, ótkizildi.