Jazýshy, ádebıet zertteýshisi, folklortanýshy, ǵalym, fılologııa ǵylymdarynyń doktory, professor, QR Memlekettik syılyǵynyń laýreaty Aqseleý Slanuly Seıdimbektiń týǵanyna 80 jyl tolýyna oraı «Dáýren-aı» atty ádebı-mýzykalyq kesh ótedi, dep jazady Egemen.kz.
Keshti «Roza Baǵlanova atyndaǵy «Qazaqkonsert» memlekettik konserttik uıymy «Ulylarǵa taǵzym» jobasy aıasynda uıymdastyryp otyr.
Ádebı kesh barysynda qalamgerdiń ómiri men shyǵarmashylyǵy jáne qazaq kúı ónerine qosqan úlesi jaıly úzeńgiles dostary men zamandastary estelikterin bólisedi.
Konserttik baǵdarlamada qalamgerdiń «Saryarqa», «Dáýren-aı» jáne buryn-sońdy shyrqalmaǵan ánderi oryndalady. Sondaı-aq, Janǵalı Júzbaı, Elmura Jańabergenova, Aıtbek Nyǵyzbaev, Raýshan Orazbaeva, Edil Basyqara, Dinıslambek Jaılaýbaı, Asqar Muqııat, Birjan Aıtahmet, «Astana sazy» qazaq memlekettik folklorlyq jáne «TURAN» folklorly-etnografııalyq ansamblderi óner kórsetedi.
Keshke ǵalym, jazýshy, akademık, QR Memlekettik syılyǵynyń laýreaty, professor Qoıshyǵara Salǵarauly, halyqaralyq «Alash» syılyǵynyń laýreaty, jazýshy, ǵalym, fılologııa ǵylymdarynyń doktory, professor Tursyn Jurtbaı, QR Memlekettik syılyǵynyń laýreaty, aqyn, jazýshy Nesipbek Aıtuly, Qazaqstannyń eńbek sińirgen qaıratkeri, kúıshi, kompozıtor Shámil Ábiltaı, Qazaqstannyń Halyq ártisi, Memlekettik syılyqtyń laýreaty Qaırat Baıbosynov qatysady.
Aıta keteıik, «Qazaqkonsert» memlekettik konserttik uıymy 2022 jyldan bastap «Ulylarǵa taǵzym» jobasyn bastady. Atalmysh joba kórnekti jazýshylar Muhtar Áýezovtiń 125, Ǵabıt Músirepovtiń 120, talantty kompozıtorlar Ǵazıza Jubanovanyń 95, Erkeǵalı Rahmadıevtiń 90, qazaq opera óneriniń negizin salýshylardyń biri Kúlásh Baıseıitovanyń 110, jeztańdaı ánshi Roza Baǵlanovanyń 100 jyldyq merekelerine oraı uıymdastyrylyp, dáýlesker kúıshi, kompozıtor, dırıjer, halyq qaharmany Nurǵısa Tilendıevtiń shyǵarmashylyǵyna arnaldy.