Jambyl oblysynyń agroónerkásip kesheninde jańartylatyn energııa salasy belsendi damyp keledi. Bir ǵana Talas aýdanynda birden úsh jel elektr stansııasy salynýda, dep habarlaıdy Egemen.kz.
Talas aýdanynyń ákimi Nurbol Júnisbekovtiń aıtýynsha, bıyl óńirde «jasyl ekonomıka» aıasynda jalpy quny 5,4 mıllıard teńgeni quraıtyn úsh joba júzege asyrylmaq.
«Qyzyláýit aýyldyq okrýginde birden úsh jel elektr stansasyn salý úshin jer telimderi bólindi – árqaısysynyń qýaty 4,5 MVt, jobalyq quny 1,8 mlrd teńge. Barlyq úsh qurylys alańy buryn salynǵan toǵyz megavattyq eki jel elektr stansııasynyń janynda ornalasqan. Bıyl 13,5 megavatt úsh stansııa salyp jatyrmyz», dedi spıker.
Qazirgi ýaqytta qondyrǵylardan óndiriletin elektr energııasyn jınaý úshin úlken elektr stansııasy salynýda. Jel elektr stansııalaryna arnalǵan jabdyqtar Danııadan jetkizildi. Jańartylatyn energııa nysandary 2022 jyldyń sońyna deıinıpaıdalanýǵa beriledi. Aldaǵy ýaqytta qondyrǵylar sanyn kóbeıtip, qýattylyǵyn 30 megavatqa jetkizý josparlanýda.
«Jańartylatyn energııa kózderi boıynsha bul jobalar aýdannyń áleýmettik jáne ekonomıkalyq áleýetin aıtarlyqtaı arttyrad. Jergilikti turǵyndar úshin jańa jumys oryndary ashylady», dedi Talas aýdanynyń ákimi Nurbol Júnisbekov.
Jambyl oblysy kúnniń, jeldiń jáne sýdyń áleýetin paıdalaný jóninen respýblıkada turaqty jetekshi oryndy ıelenip keledi. 2009 jyly Qazaqstanda «Jańartylatyn energııa kózderin qoldaý týraly» Zańnyń qabyldanýymen qýattylyǵy 7-den 300 MVt-qa deıingi sý, jel jáne kún elektr stansııalaryn salý boıynsha onnan astam ınvestısııalyq jobalar júzege asyryldy.