Qazaqstandyq kásipqoı boksshy Janqosh Turarov ıspandyq Lýıs Enrıkeni nokaýtqa túsirip, IBF Inter-Continental tujyrymy boıynsha jartylaı orta salmaqta tıtýldy jeńip aldy, dep habarlaıdy Egemen.kz.
Almatyda ótken jekpe-jek 10 raýndqa eseptelgenimen, jetinshi raýndta aıaqtaldy.
Osylaısha Janqosh kásipqoılar arasynda 26 jeńisine jetti. Lýıs Enrıke óz mansabynda altynshy ret jeńiliske ushyrady. Jekpe-jek belgili DAZN platformasy arqyly kórsetildi.
Sonymen qatar taǵy birneshe qazaqstandyq óner kórsetti. Osylaısha, Shynarbek Bátınuly Adam Ýmaevty nokaýtqa túsirse, Adlan Selmýrzaev grýzııalyq Lasha Kýpatadzeni merziminen buryn jeńdi. Elhan Tabynbaev WBC Intercontinental nusqasy boıynsha jekpe-jekte brazılııalyq Mateýs de Sılvadan jeńilip qaldy.
Andjelına Lýkas tanzanııalyq Lýlý Kaıajdy tehnıkalyq nokaýtpen jeńip, UBO nusqasy boıynsha álem chempıony atandy.
Sonymen qatar, MMA boksshysy Arman Áshimov kásipqoı bokstaǵy alǵashqy jekpe-jegin tájirıbeli grýzın Býhıtı Tatıshvılıge qarsy ótkizdi. Kezdesý teń eseppen aıaqtaldy. Sonymen qatar MMA boksshysy Erkebulan Toqtar da ırandyq Amır Iаranımen jekpe-jeginde kásipqoı debıýtin jasady. Qazaqstandyq qarsylasyn tehnıkalyq nokaýtpen merziminen buryn jeńdi.