Jańa ıadrolyq otyn

Bir qaıta júkteý kólemin­degi (30 tonnadan astam tómen baıy­tylǵan ýran) jylý bóletin quramalar ornalastyrylǵan 34 kóliktik-oraý konteıneri bar temirjol platformalary mamandandyrylǵan kúzetpen birge Qytaıdaǵy atom elektr stansasyna jetkizildi. Túpkilikti tutynýshy – Qytaıdyń CGNPC-URC ıadrolyq korporasııasy ónimdi oıdaǵydaı qabyldap aldy.

– Atom elektr stansasy úshin ıadro­lyq otyn óndirý jónin­degi ınno­vasııalyq jobany iske asyrý – «Qazatomónerkásip­tiń» álem­dik klımattyń ózgerýi­niń sal­­daryn jumsartýǵa jáne tómen kómirtekti damý jónindegi ja­han­dyq maqsatqa qol jetkizý­ge qos­qan úlesi. «Úlbi-JBQ» zaýyty «Qazatomónerkásipke» ón­di­risti ártaraptandyrýǵa, jeli­ni keńeıtýge jáne qosylǵan quny joǵary tehnologııalyq, eks­portqa baǵdarlanǵan ýran ónim­derin shyǵarýǵa múmkindik berdi. Qytaılyq seriktesterge ónim­di sátti jetkizý «Qazatom­óne­r­kásiptiń» álemdik ıadrolyq otyn naryǵynda senimdi ári artyqshylyqqa ıe jetkizýshi retindegi bedelin rastady, – dedi «Qazatomónerkásip» ulttyq atom kompanııasy» AQ basqarma tóraǵasy Erjan Muqanov.

Joba atom ónerkásibi sala­syndaǵy álemniń jetekshi kom­panııalarynyń tabysty kóp­jaqty yntymaqtastyǵynyń jaqsy úlgisi bolyp sanalady. Jylý bóletin quramalardyń óndirisinde Úlbi metallýrgııa zaýytynda qaıta óńdelgen Qazaq­standa óndirilgen ýran shıkizaty paıdalanylady.

– «Úlbi-JBQ» zaýytynyń ujymyn jáne Qytaıdan kelgen seriktesterimizdi osy bir úlken oqıǵamen quttyqtaımyn. Daıyn ónimdi alǵashqy jóneltý jylý bóletin quramalardyń turaqty jetkizilimderiniń bas­talýyn belgiledi. Bul bizdiń kásiporyndar úshin ǵana emes, sonymen qatar Qazaqstan men Qytaı úshin beıbit atomdy ıgerýde óte mańyzdy, – dedi «Úlbi metallýrgııa zaýyty» AQ basqarma tóraǵasy Sergeı Bejeskıı.

«Úlbi-JBQ» zaýytynyń bas dırektory Arman Súleımenov daıyn ónimdi óndirýge jáne tuty­nýshy – Qytaı Halyq Res­pýb­lıkasyna alǵashqy partııany jetkizýge qatysqan áriptes­terine alǵys aıtty. Ol túp­kilikti tutynýshy ókilderiniń qaty­sýymen «Úlbi-JBQ» zaýyty, Úlbi metallýrgııa zaýyty jáne URC-Logistics qyzmetkerleri koman­dasynyń úılesimdi ju­mysy tarıhı oqıǵany júzege asy­rýǵa kómekteskenin atap ótti.

«Úlbi-JBQ» zaýyty 2021 jyl­­dyń qarasha aıynda Framatome fransýz kom­panııasynyń AFA 3G dızaı­nyndaǵy jylý bóletin qur­a­malardy óndirý teh­nolo­­­gııasy­nyń ıesi tarapynan ser­tıfı­­kattaýdan ótip, ónimniń túp­kilikti tutynýshysy – CGNPC-URC Qytaı ıadrolyq kor­po­rasııasy tarapynan sertı­fı­kattalǵan ıadrolyq otyn jet­kizýshisi retinde tanylǵannan keıin iske qosyldy. Bul atom elektr stansalary úshin ıadro­lyq otyn shyǵarý boıynsha Qazaq­standaǵy jalǵyz óndiris jáne 20 jyl kepildi ótkizý naryǵy bar. Zaýyttyń qýaty – tómen baıytylǵan ýranǵa eseptegende jylyna – 200 tonna.

«Qazatomónerkásip» ınnova­sııalyq óndirisiniń iske qosylýy Qazaqstanǵa atom stansa­lary úshin ıadrolyq otyn óndirýshi jáne jetkizýshi memleketterdiń shek­teýli sheńberine kirýge múm­kindik berip, elimizdiń atom salasyn damytý jáne osy baǵytta basqa eldermen yntymaqtastyq perspektıvalary boıynsha jańa múmkindikter ashty. 

Jylý bóletin quramalar – ınjenerlik qurylym. Onyń jaqtaýyna jylý bóletin elementter (tvelder) – ýran tab­letkalarymen toltyrylǵan tútikter ornalastyrylady. Bul quramalar atom elektr stansasy úshin otyn bolyp sanalady. Tvelderge arnalǵan ýran tabletkalaryn Úlbi metallýrgııa zaýyty daıyndaıdy.