Úkimettiń keńeıtilgen otyrysynda Premer-Mınıstr Álıhan Smaıylov Qazaqstanǵa sheteldik kapıtal tartý jónindegi jumys týraly baıandady, dep habarlaıdy Egemen.kz.
Aldaǵy 7 jylda keminde $150 mlrd tikeleı sheteldik ınvestısııa tartý jumystary júrgizilip jatyr.
Máselen, I jartyjyldyqtyń qorytyndysy boıynsha $14,5 mlrd tikeleı ınvestısııa tartyldy, bul ótken jyldyń sáıkes kezeńimen salystyrǵanda 28%-ǵa artyq.
«131 myń jańa jumys ornyn qurýdy kózdeıtin 30 trln teńgege 850 ınvestısııalyq jobanyń jalpyulttyq pýlymen jumys júrgizilýde. Osy jyldyń qorytyndysy boıynsha 18,5 myń jumys ornyn qura otyryp, 2 trln teńgege 190 joba paıdalanýǵa beriledi», dedi ol.
Sondaı-aq Premer-Mınıstr Qazaqstanǵa birqatar sheteldik kásiporyndy kóshirý boıynsha jumystar júrgizilip jatqanyn aıtty. Búgingi tańda 19 kompanııa kóshirildi, al basqalary boıynsha bul másele pysyqtalýda.