Shymkent qalasy Polısııa departamenti Esirtki qylmysyna qarsy is-qımyl basqarmasynyń qyzmetkerleri jedel-izdestirý is-sharasy barysynda qaladaǵy jaldamaly páterlerdiń birinde asa iri mólsherde esirtki jasyrǵan 41 jastaǵy azamatshany ustady, dep habarlaıdy Egemen.kz.
Izdestirý is-sharasy barysynda áıeldiń turǵylyqty mekenjaıynan polıetılendi paketke salynǵan untaq tárizdes zat tárkilendi. Saraptama qorytyndysyna sáıkes, ol mefedron ekendigi anyqtaldy. Onyń jalpy salmaǵy 101 gramdy quraǵan.
Qazir atalǵan derek boıynsha Qazaqstan Respýblıkasy Qylmystyq kodeksiniń 297-baby 3-bóligimen (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) qylmystyq is qozǵalyp, sotqa deıingi tergep-tekserý amaldary júrgizilip jatyr. Kúdikti ýaqytsha ustaý ızolıatoryna qamaýǵa alyndy.