Jeltoqsan týraly jınaq

Aıǵaq-kitaptyń tórtinshi tomynda da Jeltoqsan kóterilisi álem nazaryn aýdarǵan tarıhı oqıǵa ekendigi aıtylady. Kóterilis qaharmandary sol kezdegi res­pýblıka astanasy Almatyda ǵana emes, basqa kóptegen oblys, aýdan ortalyǵynda, tipti aýyldardyń ózinde óshpes iz qaldyrǵany baıandalady. Esimderi elge áıgili H.Oraltaı, F.Álı, M.Myrzahmetuly, B.Ilııasov, K.Tábı, K.Baıjan, J.Ánesuly, B.Qanapııanov, M.Qoıgeldıev, J.Babalyquly, Ý.Qalıjan, M.Rysdáýlet, S.Jaqypov, Ǵ.Qa­bysh­uly, Á.Kishkenebaev, M.Qal­dybaı jáne basqa da zııaly qaýym ókilderi men Jeltoqsan uıymy jetekshileriniń materıaldary jınaqtyń salmaǵyn ústeı túsken. Sondaı-aq kóterilis aqıqatyn ashý úshin qurylǵan komıssııaǵa enip, azamattyq qasıetin kórse­te bilgen zańgerler men qoǵam qaıratkerleriniń maqala, suhbat­tary da qamtylǵan.

«Jeltoqsan kóterilisi áli kúnge deıin óz baǵasyn ala almaı keledi. Oǵan túbegeıli saıası-quqyqtyq baǵasy qaı kezde beriledi? Bul bárimiz úshin belgisiz saýal. Degenmen áreketsiz qalmaıyq dep, óz tarapymyzdan úzbeı eńbektenýdemiz. Osydan alty jyl buryn aıǵaq-kitaptardyń alǵashqy eki tomy jaryq kórgen. О́tken jyly úshinshi tomy úsh myń taralymmen shyqty. Endi Mádenıet jáne sport mınıstrliginiń «Ádebıettiń áleýmettik mańyzdy túrlerin satyp alý, basyp shyǵarý jáne taratý» kishi baǵdarlamasy boıynsha «Dáýir» baspasynan tórtinshi tomy jaryq kórip otyr. Áli de tórt tomǵa júk bolatyn dúnıe baspada jatyr. Aqıqat joly aýyr, shyndyqtyń soqpaǵy shyrǵalań ekenine elimizde ǵana emes, keshegi keńes odaǵynda, tipti álemdik aýqymda aıryqsha betburys nyshany bolǵan 1986 jylǵy Jeltoqsan kóterilisi aıqyn dálel», deıdi Talǵat Aıtbaı.

Býyrqanǵan jastardyń asaý tolqyny, ámirshil-ákimshil júıe kezindegi basshylyqtyń adam qu­qyn aıaqqa taptaǵan óktem isteri jınaqqa engen maqalalarda jan-jaqty saralanady. Kitaptaǵy tyń aqparattar, Jeltoqsan kóteri­lisine qatysýshylardyń estelik­teri kim-kimdi de qyzyqtyra túsetini sózsiz.

ALMATY