2023 jyldyń 1 sáýirinen eńbek qaýipsizdigi men eńbekti qorǵaý salasyndaǵy táýekelderdiń aldyn alý jáne ýaqytyly baǵalaý maqsatynda táýekelderdi basqarýdyń avtomattandyrylǵan júıesi - Sıfrly sıtýasııalyq ortalyq iske qosylady, dep habarlaıdy Egemen.kz.
Bul týraly Eńbek jáne halyqty áleýmettik qorǵaý mınıstri Tamara Dúısenova Úkimet otyrysynda aıtty.
«2023 jylǵy 1 qyrkúıekke deıin eńbek qaýipsizdigi jáne eńbekti qorǵaý salasyndaǵy bir jarym myńnan astam standarttar qaıta qaralyp, jańa eńbek standarttarynyń júıesi engiziledi. 2023 jylǵy 20 qańtarǵa deıin jazataıym oqıǵalardan mindetti saqtandyrý júıesin jetildirý jóninde usynystar ázirlenedi. Kelesi jyldyń 1-shi jartyjyldyǵynda Eńbek kodeksine tıisti ózgerister engizile otyryp, jazataıym oqıǵany tergeý kezinde qyzmetkerdiń kinásiniń dárejesin aıqyndaý tetikteri qaıta qaralady. 2023 jyly memleket, bıznes jáne jumysshylardyń áleýmettik seriktestiginiń tıimdiligin arttyrý maqsatynda «Kásipodaqtar týraly» zańǵa qajetti ózgerister engiziledi», dedi T. Dúısenova.