Batys Qazaqstan oblysynyń bes eldi mekeninde balalarǵa arnalǵan qaıyrymdylyq sport zaldary ashyldy, dep habarlaıdy Egemen.kz.
Zaldar Aqsaı qalasynda, Aqpáter, Darııan, Bulan jáne Qaraýyltóbe aýyldarynda iske qosyldy. Aqsaıdaǵy zal jeke sport zaly ǵımaratynda, Kaztalov aýdanynyń Aqpáter aýylynda turǵyn úı ǵımaratynda, Báıterek aýdanynyń Darınsk aýylyndaǵy zal turǵyn úı ǵımaratynda, Syrym aýdanynyń Bulan aýylynda sport klýby ǵımaratynda, Aqjaıyq aýdanynyń Qaraýyltóbe aýylynda balalar men jasóspirimder sport mektebiniń ǵımaratynda ornalasqan.
«Buryn bizde dzıýdo bólimi bolmady. Endi dzıýdomen aınalysamyz, ári jarystarǵa daıyndalamyz. Osyndaı zamanaýı zal ashqan barshańyzǵa alǵys bildiremiz. Osynda jattyqqan óte unaıdy», dedi Qaraýyltóbe aýylynyń kishkentaı turǵyny Rysbek О́tepbergen.
Zaldar «Qazaqstan halqyna» qoǵamdyq qorynyń «24 balalar sport zaly» jobasy aıasynda jaraqtandyryldy. Qor 5 zaldyń ashylýyna 41,2 mln teńge baǵyttady. «Qazaqstan halqyna» qorynyń qarajaty esebinen sport zaldarda boks, kúres, dzıýdo jáne basqa da sport túrlerimen aınalysý úshin qajetti sporttyq quraldarmen jabdyqtaldy. Kúres kilemderi men sómkeler, eden jabyndary, jattyǵý manekenderi, sondaı-aq gantelder, boks qolǵaptary men dýlyǵalar, jabdyqtar, arqandar, sporttyq jınaqtary jáne t.b. satyp alyndy. Bastama «Batyr bolamyn!» qorymen seriktestikte júzege asyrylýda. Atalǵan qor jobanyń uıymdastyrýshylyq máselelerimen aınalysady.
«Sport zaldar shalǵaı aýyldarda ashylyp otyr. Osyǵan deıin eldi mekenderderde zamanaýı jabdyqtalǵan zaldar bolmady. Sondyqtan jergilikti turǵyndar, onyń ishinde balalar men jastar ashylýdy asyǵa kútti. Qazirdiń ózinde ár zalda túrli sport túrleri boıynsha 30-40-qa jýyq bala jazyldy. Aýyl ómirine jańa dem berip, aýyl jastarynyń sportpen shuǵyldanýyna sebepker bolǵan «Qazaqstan halqyna» qoryna alǵys aıtamyz. Jobany iske asyrýǵa óńirlerdegi jergilikti atqarýshy organdar járdemdesip, qoldaý kórsetkenin atap ótkim keledi», dedi ashylý saltanatynda «Batyr bolamyn!» qorynyń vıse-prezıdenti Ernur Sabykenuly.
Aıta keteıik, «Qazaqstan halqyna» qory iske asyryp jatqan «24 balalar sport zaly» jobasy elimizdiń shalǵaıdaǵy eldi mekenderinde nemese balalar úshin sportqa qoljetimdilik deńgeıi tómen aýyldyq jerlerde balalar sportynyń qoljetimdiligin arttyrýǵa baǵyttalǵan. Jobanyń negizgi maqsatty aýdıtorııasy – 5 jastan 18 jasqa deıingi, az qamtylǵan jáne kópbalaly otbasylardan shyqqan balalar. 24 zaldy ashýǵa arnalǵan qaıyrymdylyq baǵdarlamasynyń bıýdjeti - 183 623 000 teńge. Búginde 16 zal ashylyp, jumys istep jatyr.