Soltústik Qazaqstan oblysynyń Taıynsha qalasynda gaz ballonynyń durys jumys istemeýinen oqys oqıǵa boldy, dep habarlaıdy Egemen.kz.
Oqıǵa 6 jeltoqsan kúni bolǵan. Úı ıesi úıdi jylytý úshin gaz ballonyn ákelgen.
«Jyly jerde ballon keńeıip, gaz-aýa qospasy jarylyp, sodan keıin órt shyqty. О́rt saldarynan turǵyn úıge mehanıkalyq zaqym keldi. Úıdiń 36 jastaǵy ıesi aýrýhanaǵa jatqyzyldy. Er adamnyń denesin 60 paıyz kúıik shalǵan. Dúısenbi, 12 jeltoqsanda alǵan jaraqattarynan zardap shekken adam medısınalyq mekemede qaıtys boldy», dedi memlekettik órt baqylaý basqarmasy basshysynyń mindetin atqarýshy Aıdar Musataev.
Soltústik Qazaqstan oblysynda sońǵy bir aptada 25 órt oqıǵasy oryn alǵan. О́rt úsh adamnyń ómirin qıdy. Oblystyń tórt turǵyny ártúrli aýyrlyqtaǵy dene jaraqattaryn aldy.