Majarstan 250 grant bóldi

Majarstanda tegin oqý konkýrsyna qatysý úshin qu­jat qabyldaý bıylǵy 12 jel­toqsanda bastalyp, 2023 jylǵy 18 qań­tarǵa deıin jalǵasady. О́tinimder Egov.kz elektrondy Úkimet portaly arqyly jáne «Halyqaralyq baǵdarlamalar ortalyǵy» AQ-da qabyldanady.

«Bıyl úkimetaralyq ke­lisim­der sheńberinde bó­lin­gen granttar boıynsha konkýrstyq irikteý­diń ere­jeleri jetildirildi. Ha­lyq­aralyq baǵdarlamalar or­ta­lyǵynyń bastamasymen kon­kýrs­tyq irikteýde aýyldyq jer­ler­den úmitkerler úshin artyq­shylyqtar engizildi. Sonymen birge úkimetaralyq granttardyń túlekteri úshin eńbekpen óteý merzimi úsh jyl­dan bir jyl­ǵa deıin qys­qartyldy», dep habarlady «Halyqaralyq baǵdar­la­malar ortalyǵy» AQ bas­qar­ma tóraǵasy Ánýar Janǵozın.

«Stipendium Hungaricum» stıpendııalyq baǵdarlamasy qazaqstandyqtarǵa kelesi baǵ­dar­lamalar boıynsha 250 grant usynyp otyr:  bakalavrıat – 110 oryn; magıstratýra – 90 oryn; bakalavrıat magıstratýra – 30 oryn; doktorantýra – 20 oryn.

Grant majar tili kýrsta­rynan ótý, akademııalyq oqý, jataqhanada turý, me­dı­sınalyq saqtandyrý shy­ǵyndaryn óteıdi, sondaı-aq stýdentterge aı saıyn­ǵy stıpendııa tólenedi.

Oqý aǵylshyn jáne ma­jar tilderinde ótedi. Ma­jar tilin bil­meıtin qazaq­standyqtar úshin tegin tildik daıyndyqtan ótý múmkindigi qarastyrylǵan.

Konkýrsqa qatysý úshin negizgi krıterııler: Bakalavr dárejesin alýǵa úmitkerler úshin – attestat ortasha ba­lynyń nemese negizgi orta bilimi týraly kýáliktiń jáne aǵymdaǵy oqý jyly boıynsha aǵymdaǵy úlgerimi týraly tabel/transkrıpttiń nemese arnaıy orta bilimi týraly dıp­lom ortasha balynyń 5.0-ten 4.0 balyna sáıkestigi; Magıstr dárejesin alýǵa úmitkerler úshin – bakalavr/maman/dıplomy nemese aǵymdaǵy úlgerimi týraly taranskrıptiń ortasha balynyń 4.0-ten 3.0 balyna sáıkestigi; Doktor dárejesin alýǵa úmitker­ler úshin – magıstr dıplomy nemese aǵymdaǵy úlgerimi týraly tabel/transkrıptiń ortasha balynyń 4.0-ten 3.0 balyna sáıkestigi; Aǵylshyn tilinde oqý úshin keminde IELTS 9.0-dan 5.5, TOEFL 120-dan 46 deńgeıdegi qoldanystaǵy sertıfıkattar bolýǵa tıis.

Eske sala keteıik, jyl saıyn úkimetaralyq granttar aıasynda otandastarymyzǵa Eýropa men Azııanyń úzdik JOO-larynda bakalavrıat, magıstratýra jáne dokto­rantýra baǵdarlamalary bo­ıynsha tegin oqýǵa 500-ge jýyq grant usynylady.