Arnaıy is-sharalar uıymdastyryldy

Qorshaǵan orta jáne sý resýrstary mınıstri Nurlan Qapparov Dúnıejúzilik qorshaǵan orta kúni jáne ekolog kúnine oraılastyrylǵan saltanatty jınalys ótkizdi. Jınalysqa mınıstrliktiń qurylymdyq bó­lim­sheleriniń, vedomstvoǵa baǵy­nysty jáne qoǵamdyq uıymdardyń ókilderi qatysty. Jınalys barysynda mı­nıstr­liktiń ekologııalyq baqylaý jáne retteý komıtetiniń uıym­das­tyrýymen respýblıkalyq deń­geıde ótkizilgen balalardyń sýret baıqaýynyń jeńimpazdaryn marapattaý rásimi ótti. N.Qapparov Astana qala­syn­daǵy №37 or­ta mektebiniń oqý­shysy Marııa Kar­býshevany, Batys Qazaqstan oblysy Bókeıorda aý­dandyq or­ta mekteptiń oqýshysy Ǵa­syr Nasekenovti, Pavlodar obly­syndaǵy Mıchýrın balalar úıi­niń tárbıelenýshisi Alına Pı­lıa­gınany qurmet gramotasymen jáne baǵaly syılyqpen marapattady. Sonymen qatar, mınıstr oblystyq deńgeıdegi baıqaý jeńimpazdaryn – elimizdiń barlyq óńirlerinen kelgen balalardy marapattady. Sondaı-aq, osy kúni Belarýs, Qazaqstan jáne Reseı elderi aý­maqtarynda Dúnıejúzilik qor­sha­ǵan orta kúnine oraı halyqaralyq ekologııalyq senbilik ótkizildi. Qazaqstannyń barlyq aımaq­tarynda ótetin aksııa barysynda qalalar men qala mańy aýmaqtary, demalys mekenderi, saıabaqtar men sý aıdyndarynyń jaǵalaýlary  turmystyq kúl-qoqystardan tazartylady. Qazaqstan óńirlerinde sen­bi­likke 130 myńǵa jýyq adam qatys­ty. Olardyń qata­ryn­da ortalyq jáne jergilikti atqarýshy organ­dardyń, qoǵamdyq uıymdardyń, kásiporyn­dar­dyń ókilderi, sondaı-aq, JOO stýdentteri eńbek etti. Astanada ekologııalyq aksııaǵa 600-den astam adam qatysty. Qorshaǵan orta jáne sý resýrstary mınıstrliginiń, «Astana ormany» jáne «Polıgon» JShS, sondaı-aq, «Jas Otan» jastar qanatynyń ókilderi men stýdentter qalalyq qaldyqtar polıgonyna irgeles orman aýmaǵyn qoqystan tazartýǵa atsalysty. «Egemen-aqparat».