Bul týraly oblys ákimi óziniń Instagram paraqshasynda jazdy, dep habarlaıdy Egemen.kz.
- Ekibastuzdyq balalardyń úıde otyrǵandary jetkilikti degen oıdamyn. Qalanyń bilim berý nysandarynyń oqýshylardy qabyldaýǵa daıyndyǵyn tekserdim. № 1 mektep-lıseıde jylýmen jabdyqtaý qysymy jetkiliksiz bolyp shyqty. Máseleni energetıktermen birge sol jerde qarastyrdyq, - dep jazdy aımaq basshysy.
Mamandardyń aıtýynsha, jylytý júıesin tolyqtaı jýý qajet. №11 orta mekteptiń de jaǵdaıy dál osyndaı.
- Jylý berý júıesin jýý jumystaryn jedeldetip bastaýdy jáne jaqyn kúnderi jylýmen jabdyqtaý júıesin tolyqqandy birqalypqa keltirýdi tapsyrdym, - dedi Asaıyn Baıhanov.
Qazirgi tańda №25 balabaqshadaǵy jylytý radıatorlary qalpyna keltirildi. Jospary boıynsha dúısenbige deıin temperatýra qalypqa kelýi qajet.
- Ekibastuzdyń bilim berý mekemeleriniń jumysyn jedeldetip jandandyrý mindetin qoıdym. Jasóspirim qala turǵyndary múmkindiginshe tezirek mektepter men balabaqshalarǵa oralýy kerek, - dep túıindedi sózin.