Memleket basshysy Qatar Ámiri sheıh Támım ben Hamad Ál Tánıdi jáne Qatar halqyn Ulttyq kúnimen quttyqtaı otyryp, beıbitshilik pen yntymaqtastyq qaǵıdattaryn ustanǵan eldiń aldaǵy ýaqytta da qarqyndy damı berýine tilektestik bildirdi, dep habarlaıdy Egemen.kz.
«Osy mereıli meırammen tuspa-tus kelip otyrǵan fýtboldan álem chempıonatynyń sátti ári tabysty aıaqtalýymen shyn júrekten quttyqtaımyn. Dúnıejúzilik brendke aınalǵan bul dúbirli doda Qatardyń baqýatty jáne bolashaqqa nyq senimmen qadam basyp kele jatqan el ekenin taǵy da rastady. Ásirese, qarapaıym sport jankúıerimen qatar halyqaralyq qaýymdastyq ta álemdik birinshiliktiń joǵary deńgeıdegi jańa standarttaryna kýá boldy», dep jazylǵan jedelhatta.
Sonymen qatar Prezıdent Shyǵanaqtaǵy Qazaqstannyń basty seriktesteriniń biri – Qatarmen tyǵyz baılanystarymyz jyldan jylǵa aýqymy ulǵaıyp, yqpaldastyǵymyzdyń órisi keńeıip kele jatqanyn zor rızashylyqpen atap ótti. Ol birlesken kúsh-jigerdiń arqasynda eki el halyqtarynyń ıgiligi úshin áleýeti joǵary qarym-qatynastarymyz odan ári damı túsetinine senim bildirdi.