Saýd Arabııasyndaǵy dıplomatııalyq korpýsta «Ambassadors Choice International Film Festival» kınofestıvali ótip, oǵan Qazaqstanmen qatar Úndistan, Ispanııa, Aýstralııa, Kýba, Shvesııa, Bangladesh, AQSh, Lıvan, Saýd Arabııasy, Aljır, Lıvan, Palestına sııaqty elder qatysty.
Kınofestıval aıasynda rejısser Aqan Sataevtyń «Tomırıs» atty qazaqstandyq kórkem fılmi kópshilikke usynyldy. Kıno ejelgi grek tarıhshysy Gerodot Galıkarnastyń massaget patshaıymy týraly shejire-derekterine negizdelgen.
Fılm jergilikti kórermender men dıplomatııalyq korpýs ókilderiniń oń pikirlerin aldy. Tamashalaýǵa kelgender qazaqstandyq kıno akterleriniń ónerin joǵary baǵalady. Olar sondaı-aq eń kúrdeli jaýyngerlik, shabandozdyq sheberlik kórinisteriniń aýqymy men oryndalýyn atap ótti jáne «Tomırıs» fılmin sońǵy jyldardaǵy sapaly tarıhı fılmderdiń biri dep atady.