Prezıdentke Ulttyq banktiń bıylǵy qańtar-qarasha aılaryndaǵy aqsha-kredıt saıasatynyń aldyn ala qorytyndylary týraly esep berildi, dep habarlaıdy Egemen.kz.
Qasym-Jomart Toqaevqa syrtqy jáne ishki naryqtardaǵy ahýal, ınflıasııanyń ósý qarqyny men onyń boljamy, sondaı-aq altyn-valıýta rezervteriniń jaı-kúıi jóninde baıandaldy.
Kezdesý barysynda Ulttyq banktiń qabyldaǵan sharalary teńgeleı salynǵan depozıtterdiń buryn-sońdy bolmaǵan deńgeıge deıin ósýine, valıýta naryǵyn turaqtandyrýǵa jáne ekonomıkany kredıtteý ósimin jalǵastyrýǵa oń yqpal etkeni atap ótildi.
Prezıdentke sıfrlyq teńgeni engizý qajettigine qatysty júrgizilgen zertteý qorytyndylary baıandaldy. Ǵalymjan Pirmatovtyń aıtýynsha, naryq qatysýshylary, naqty tutynýshylar men saýda-servıstik kásiporyndarynyń qatysýymen ótken sıfrlyq teńge platformasyn testileý sátti boldy. Sıfrlyq teńgeniń engizilýi qolma-qol aqshasyz tólemniń qoljetimdiligin arttyryp, memlekettik shyǵyndardyń ashyqtyǵyn qamtamasyz etedi jáne ınnovasııalyq qarjy ónimderin jasaýǵa múmkindik beredi. Ulttyq bank tóraǵasy sıfrlyq teńge 2025 jyldyń sońyna deıin qoldanysqa engiziletinin jetkizdi. Sıfrlyq teńgeni aınalymǵa engizý jospary úsh kezeńnen turady. Memleket basshysy jobany odan ári júzege asyrý jóninde mindet júktedi.
Kezdesý sońynda Qasym-Jomart Toqaev aqsha-kredıt saıasatyn tıimdi iske asyrýǵa baǵyttalǵan birqatar naqty tapsyrma berdi.