Qaıǵyly oqıǵa 20 jeltoqsanda Almaty oblysy Kegen aýdanynda bolǵan, dep habarlaıdy Egemen.kz.
Hyundai avtokóligin basqarǵan 44 jastaǵy er adam Kegen-Kókpek-Túp avtojolynyń 60-shaqyrymynda rólge ıe bola almaı, ilespe baǵytta kele jatqan Mitsubishi-men soqtyǵysqan.
Apat saldarynan Hyundai júrgizýshisi men onyń úsh jolaýshysy oqıǵa ornynda qaza tapty. Sondaı-aq taǵy eki zardap shekken adam ártúrli jaraqattarmen aýrýhanaǵa jetkizildi.
«Jol-kólik oqıǵasy faktisi boıynsha qajetti saraptamalardyń taǵaıyndalýymen QR QK 345-baptyń 3-bóliginde kózdelgen sotqa deıingi tergeý amaldary bastaldy», dedi Kegen APB bastyǵynyń birinshi orynbasary Qýanysh Ábdildaev.