Búgin QR Parlamenti Senatynyń kýlýarlarynda Ulttyq ekonomıka mınıstri Álibek Qýantyrov Qazaqstanda sán-saltanat salyǵyn engizý merzimine qatysty túsinikteme berdi, dep habarlaıdy Egemen.kz.
Mınıstr atap ótkendeı, kelesi jyldyń birinshi toqsanynda beıindi memlekettik organdar sán-saltanat salyǵy týraly normalardy qamtıtyn jańa Salyq kodeksin qurý boıynsha belsendi jumys isteýdi josparlap otyr.
«2024 jyldan bastap josparlanyp otyr. Kelesi jyly biz jańa Salyq kodeksimen belsendi jumys isteımiz degen oıdamyn. Ony kúzge deıin Parlamentke engizemiz. Sonda da kóp nárse Parlamentke baılanysty bolady. Ázirge, sán-saltanat salyǵy jáne jalpy jańa Salyq kodeksi 2024 jyldan bastap engiziledi dep boljaı alamyz», dedi Álibek Qýantyrov.