Qaraǵandyda belgisiz bireýler birden 12 mektepke mına qoıdy. Barlyq tótenshe jaǵdaılar qyzmetteri bilim berý uıymdaryna jiberildi, dep habarlaıdy Egemen.kz.
Qaraǵandy polısııasynyń kezekshi pýnktine saǵat 11:00-den bastap mektepterden habarlama túse bastaǵan. Bilim berý mekemeleriniń basshylary mektepterge ǵımarattarǵa jarylǵysh zat qoıylǵany týraly hat kelgenin aıtty.
Qaraǵandy oblysy TJD jedel kezekshileri dabyl qaqqan habarlamalarǵa jedel den qoıdy. Barlyq tótenshe jaǵdaılar qyzmeti mektep ǵımarattaryna jiberildi. Balalar men mektep qyzmetkerleri evakýasııalandy. Evakýasııanyń vıdeosy áleýmettik jelilerde taraı bastady.
«Tekserý kezinde jarylǵysh qurylǵylar tabylmady. Osy faktiler boıynsha QR Qylmystyq kodeksiniń 273-baby «Alda jatqan terrorızm aktisi týraly kórineý jalǵan habarlaý» boıynsha sotqa deıingi tergeý bastaldy. Qazirgi tańda habarlamalardyń avtoryn anyqtaý boıynsha sharalar qabyldaýda», dep habarlady Qaraǵandy oblysy DPD baspasóz qyzmeti.
Sondaı-aq mınıstrlik Qazaqstanda lańkestik aktisi týraly kórineý jalǵan habarlaý aıyppul óteýge, ne túzeý jumystaryna, ne shekteý nemese bes jylǵa deıin bas bostandyǵynan aıyrýǵa jazalanatynyn eske saldy.