О́skemende Nazarbaev kóshesindegi jeke turǵyn úılerdiń birinde órt boldy.Qutqarýshylar janyp jatqan úıden 4 adamdy alyp shyqty, dep habarlaıdy Egemen.kz.
ShQO TJD baspasóz qyzmeti habarlaǵandaı, oqıǵa ornynda gaz-tútinnen qorǵaý qyzmetiniń eki býyny quryldy. Olar 35 jastaǵy áıelge jáne 48, 40 jáne 34 jastaǵy úsh er adamǵa kómektesti. Dárigerler zardap shekkenderdi tekserip, úıge jiberdi.
О́rt alańy 90 sharshy metrdi qurady.
«О́rttiń sebebi - sóndirilmegen temeki bolyp shyqty. Aldymen veranda órtenip, keıin órt birden úıdiń shatyryna tarady. О́rtti joıýǵa jeke quramnyń 19 adamy men 5 tehnıka jumyldyryldy», delingen habarlamada.
Bul rette ShQO TJD kelesi qaýipsizdik sharalaryn usynady:
Úıden shyqpas buryn árqashan peshtiń óshirilgenin tekserińiz, ashyq otty qaraýsyz qaldyrmańyz; Tósekte temeki shegýdiń jaman ádetine erekshe nazar aýdarý kerek, bul jazataıym oqıǵalar men órtterge ákeledi. О́rt anyqtalǵan jaǵdaıda bul týraly 101 nemese 112 telefondary arqyly dereý habarlaý qajet. Dıspetcherge naqty meken-jaı berip, ne bolǵanyn habarlańyz da páterden nemese úıden tez arada shyǵyńyz.