Aqtóbede esirtki zattaryn saqtaǵan erli-zaıyptylar ustaldy. Polısııa qyzmetkerleriniń aıtýynsha, olar 15 jylǵa deıin bas bostandyǵynan aıyrylýy múmkin, dep habarlaıdy Egemen.kz.
Quqyq qorǵaý organdarynyń málimetinshe, erli-zaıyptylar 23 jeltoqsanda ustaldy. Tintý jumystary kezinde olardan esirtki tárkilendi.
«Turǵylyqty jeri men jalǵa alynǵan garajdy tintý kezinde aq tústi untaq zaty bar polıetılen paketter tabyldy. Saraptama qorytyndysy boıynsha tabylǵan zat salmaǵy 1,5 kg mefedron bolyp shyqty», delingen oblystyq PD baspasóz qyzmeti taratqan habarlamada.
Atalǵan fakt QR QK 297-babynyń 3-bóligi boıynsha «Esirtki, psıhotroptyq zattardy, olardyń analogtaryn ótkizý, jóneltý nemese ótkizý maqsatynda zańsyz daıyndaý, qaıta óńdeý, satyp alý, saqtaý, tasymaldaý» boıynsha sotqa deıingi tergep-tekserý bastaldy.