Bıyl Antıkor 600 mlrd teńgeden astam zańsyz aktıvterdi memleketke qaıtardy, dep habarlaıdy Egemen.kz vedomstvonyń baspasóz qyzmetine silteme jasap.
«Sybaılas jemqorlyqqa qarsy qyzmet bıyl quny 600 mlrd teńgeden astam zańsyz ıelengen múlik aktıvter men aqshalaı qarajattardy memleketke qaıtarýdy qamtamasyz etti. Olarǵa qymbat jyljymaıtyn múlik, sándi avtomobılder, baǵaly metaldar men zergerlik buıymdar, sondaı-aq qolma-qol aqsha kiredi», delingen baspasóz qyzmetiniń habarlamasynda.
Budan bólek, elimizde jáne shetelde jalpy somasy 360 mlrd teńgeden asatyn jyljymaıtyn múlik, avtomobılder men qarajat anyqtaldy. Olar jaqyn arada memleketke qaıtarylady.
Prezıdenttiń tapsyrmasy boıynsha barlyq qaıtarylǵan aktıvter mektep qurylysyna baǵyttalady.