Senat depýtattary Konstıtýsııalyq sottyń úsh sýdıasyn bekitti, dep habarlaıdy Egemen.kz.
Parlament Senatynyń tóraǵasy Máýlen Áshimbaev Parlamenttiń árbir palatasy Konstıtýsııalyq Sottyń úsh sýdıasyn qyzmetke derbes taǵaıyndaıtynyn atap ótti. Al kandıdatýralardy Palata Tóraǵasy usynady.
«Osyǵan baılanysty Konstıtýsııalyq Sottyń sýdıalary laýazymyna Erlan Jaqsylyquly Sársembaevtyń, Asan Qaırollauly Eskendirovtyń, Aıgúl Qýanyshpaıqyzy Qydyrbaevanyń kandıdatýralaryn usynamyn», dedi Máýlen Áshimbaev.
Senat depýtattary sýdıalardyń kandıdatýralaryn qoldady.
Buǵan deıin Memleket basshysy Qasym-Jomart Toqaev Elvıra Azımovany Qazaqstan Konstıtýsııalyq sotynyń tóraǵasy qyzmetine taǵaıyndaý týraly Jarlyqqa qol qoıǵan edi.