О́skemen qalasynda eki er adam jasóspirimge kómekke kelgen patrýldik polıseıge shabýyl jasaǵan. Bul týraly Shyǵys Qazaqstan oblysy polısııa departamentiniń baspasóz qyzmeti habarlady, dep jazady Egemen.kz.
Oqıǵa 22 naýryz kúni Saǵadat Nurmaǵambetov kóshesi boıynda bolǵan. Polısııa qyzmetkerine bir jasóspirim júginip, belgisiz eki adamnyń agressıvti áreketi týraly aıtqan. Oqıǵa ornyna kelgen tártip saqshysynyń talaptaryna baǵynbaǵan mas kúıdegi jigitter oǵan shabýyl jasaǵan.
Beıresmı málimetterge sáıkes, kúdiktiler polıseıdiń qyzmettik qarýyn tartyp alyp, oǵan oq jaraqatyn salǵan. Zardap shekken qyzmetker aýrýhanaǵa jetkizildi.
Oqıǵadan keıin kúdiktiler qashyp ketkenimen, kóp uzamaı ekeýi de anyqtalyp, ustaldy. Qarý tárkilendi. Qazirgi tańda olar ýaqytsha ustaý ızolıatoryna qamaldy.
Astanada polıseı telefonǵa jaýap bermegeni úshin bastyǵyn soqqyǵa jyqty
Atalǵan derek boıynsha polısııa qyzmetkerine qyzmettik mindetin atqarý kezinde top bolyp ómirine qaýipti kúsh qoldaný faktisimen sotqa deıingi tergeý júrgizilip jatyr.
Drondar Almaty polısııasyna qalaı kómektesedi?