Kolýmbııanyń Hercules C-130 áskerı ushaǵy áýege kóterilý kezinde apatqa ushyrady. Ushaq bortynda 100-den astam adam bolǵan, dep habarlaıdy Egemen.kz.
Kolýmbııa Qorǵanys mınıstrliginiń habarlaýynsha, ushaq aerodromnan shamamen 1,5 shaqyrym qashyqtyqta qulaǵan. Ol eldiń ońtústigindegi Pýerto-Legısamo qalasynan Pýerto-Asıs baǵytyna ushyp shyqqan.
Caracol Radio-nyń áleýmettik jelide jarııalaǵan habarlamasynda Pýerto-Legısamo (Pýtýmaıo provınsııasy) mańynda bolǵan apat saldarynan 66 adamnyń qaza tapqany rastalǵan. Qaza bolǵandardyń ishinde 58 áskerı qyzmetker, Kolýmbııa Áýe kúshteriniń 6 ókili jáne Ulttyq polısııanyń 2 qyzmetkeri bar.
Apattyń naqty sebebi áli anyqtalyp jatyr. Aldyn ala málimet boıynsha, shabýyl belgileri tabylmaǵan. Ushaq ishinde órt shyǵyp, sonyń saldarynan keıbir oq-dáriler jarylǵany habarlandy.
Nıý-Iork áýejaıynda ushaq órt sóndirý kóligimen soqtyǵysty: Zardap shekkender bar