Kólik komıteti tıisti shartty talapqa saı oryndamaǵany úshin 2023 jyldyń 1-shi jeltoqsanynan bastap Lloyd's Register Group (LR) sheteldik jikteý uıymymen kelisimdi buzady, dep habarlaıdy Egemen.kz IIDM baspasóz qyzmetine silteme jasap.
Qazir Qazaqstanda 286 teńiz kemesi tirkelgen. Olardyń jiktelýi men tehnıkalyq kýálandyrylýyn Halyqaralyq teńiz uıymynyń (IMO) erejelerine sáıkes Indýstrııa jáne ınfraqurylymdyq damý mınıstrliginiń Kólik komıtetimen rastalǵan Qazaqstannyń keme qatynasyn tirkeý uıymy men osy baǵytta mamandanydyrylǵan sheteldik uıymdar júzege asyrady.
Bul oraıda vedomstvomen 4 sheteldik uıymnyń qyzmeti moıyndalǵan. Olardyń qatarynda Reseı teńiz keme qatynasyn tirkeý uıymy (RTKQT), Bureau Veritas Marine & Offshore SAS, American Bureau of Shipping (ABS) jáne halyqaralyq deńgeıde tanylyp, álemniń kóptegen elinde jumys tájirıbesi qalyptasqan RINA S. p.a. bar.
Kólik komıteti tıisti shartty talapqa saı oryndamaǵany úshin 2023 jyldyń 1-shi jeltoqsanynan bastap Lloyd's Register Group (LR) sheteldik jikteý uıymymen aradaǵy kelisimdi toqtatady.
Vedomstvo ókilderi kemelerdiń tehnıkalyq jaǵdaıyna qatysty máseleler turaqty baqylaýda ekenin jetkizdi.