Ekibastuz qalasyndaǵy tehnıkalyq sý qubyry baktarynda apat boldy, oqıǵa ornyna Ekibastuz ákimi men Pavlodar oblysy TJD basshysynyń orynbasary bardy, dep habarlaıdy Egemen.kz.
«30 jeltoqsanda saǵat 16:00-de «Gorvodokanal» MKK sý tazartý qurylystarynyń aýmaǵynda Gorvodokanal jumyskerleri jóndeý jumystaryn júrgizgen kezde dıametri 500 mm tehnıkalyq sý qubyry jarylǵan», dep habarlady Tótenshe jaǵdaılar mınıstrliginiń daǵdarysty jaǵdaılardy basqarý ortalyǵynda.
Qazir sýmen jabdyqtaý dıametri 150 mm aýyz sý qubyrynan óndiriledi. Qazirgi ýaqytta jylý jelisin qorektendirý rezervýarlarynyń deńgeıi 5 metrdi quraıdy, oqıǵa bolǵan kezde 6,5 metr (6 500 myń tekshe metr sý) boldy.
«Oryn alǵan apatqa baılanysty baktardaǵy sý deńgeıi eki saǵatta 1 metrge tómendeıdi. Oqıǵaǵa deıin jylý jelisin sýmen jabdyqtaý saǵatyna 600-700 tonnany qurady, qazirgi ýaqytta qýattandyrý saǵatyna 600 tonnany quraıdy. Jylý jáne sýmen jabdyqtaý shtattyq rejımde beriledi»,dep tolyqtyrdy QR TJM OKJ.
Sý aıdaý jumystaryna 20 adam, 2 mashına jáne 4 motopompalar jumyldyrylǵan.
Oqıǵa ornyna Ekibastuz ákiminiń birinshi orynbasary jáne Pavlodar oblysy TJD bastyǵynyń birinshi orynbasary da bardy.