Jańa jyl túni Qyzylorda oblysynda 18 qylmys tirkeldi. Kezekshi táýlikte 8 qylmys ashyldy. Oblys boıynsha barlyǵy 429 ákimshilik quqyq buzýshylyq anyqtaldy, dep habarlaıdy Egemen.kz.
Polisia.kz Telegram arnasy taratqan málimetke sáıkes, oblys boıynsha barlyǵy 429 ákimshilik quqyq buzýshylyq anyqtalǵan. Atap aıtqanda, qoǵamdyq oryndarda mas kúıde bolǵan - 17 tulǵa, túngi tynyshtyqty buzǵan - 18 adam.
«Jol qaýipsizdigin qamtamasyz etý baǵytynda jyldamdyqty shamadan tys asyrǵan - 34, jaıaý júrginshilerge jol bermegen - 7 júrgizýshi anyqtalyp, tıisti ákimshilik shara qaraldy. Sonymen qatar mas kúıinde kólik tizgindep, jol erejesin buzǵan júrgizýshiler de jaýapqa tartyldy. Jeke qurammen atqarylǵan jumystardyń nátıjesinde tótenshe jaǵdaıǵa jol berilgen joq», dedi Qyzylorda oblysy Polısııa departamentiniń bastyǵy polısııa polkovnıgi Muhtar Qojabaev.